Itsasoak kolpatzen duen
Harkaitz zulodun hori naiz
Zuloak, arimaren leihoak
Barruko malkoak bistaraziz
Itsaso sakon, zabal, gazi honek
Malkoz betea dirudi
Gure negarragatik oten da hain gazi
Samiñak ez baitu mugarik
Olatuz-olatu, polliki-polliki
Barnea hustu, zauriak ikusi
Olatuz-olatu, polliki-polliki
Hondarra askatu, zama jeitsi
Arimaren zaurietatik negarra
Higatutako hondarrakin nahasiz
Itsasertzeraino iristean
Hondartzan etzaten da, lasai
