2018.11.05
Selektah Kolektiboa

Selektah Kolektiboa

  • 2000 - 2005
  • Rapa

Atzera

Selektah Kolektiboa
play_buttonadd_button
EROSI

Selektah Kolektiboa

2000 - Esan Ozenki


  • Boulevard Street(Hitzak eta musika: Daddy Jeff)
    add_buttton
    play_button
    facebook iconfacebook icon
  • U.P.N. West edo Unionisten harropuzkeria(Hitzak eta musika: Wanka)
    add_buttton
    play_button
    facebook iconfacebook icon
  • Belarriak bero ukan(Hitzak eta musika: Wanka)
    add_buttton
    play_button
    facebook iconfacebook icon
  • Hip hop cabrón(Musika: DZ)
    add_buttton
    play_button
    facebook iconfacebook icon
  • Koktel Molotoff(Hitzak eta musika: Daddy Jeff)
    add_buttton
    play_button
    facebook iconfacebook icon
  • Gorroto dut(Hitzak eta musika: Daddy Jeff)
    add_buttton
    play_button
    facebook iconfacebook icon
  • Kazetariak(Hitzak eta musika: Wanka)
    add_buttton
    play_button
    facebook iconfacebook icon
  • Apurtu!(Hitzak eta musika: Daddy Jeff)
    add_buttton
    play_button
    facebook iconfacebook icon
  • Hitzak I
    add_buttton
    play_button
    facebook iconfacebook icon
  • Beti eske-k(Hitzak eta musika: Wanka)
    add_buttton
    play_button
    facebook iconfacebook icon
  • Sargoria(Hitzak eta musika: Daddy Jeff)
    add_buttton
    play_button
    facebook iconfacebook icon
  • D.J. DZ sesion
    add_buttton
    play_button
    facebook iconfacebook icon
  • Día tras día(Hitzak eta musika: Molte MC)
    add_buttton
    play_button
    facebook iconfacebook icon
  • Bilaketa sakona(Hitzak eta musika: Daddy Jeff)
    add_buttton
    play_button
    facebook iconfacebook icon
  • Hitz gutxitan(Hitzak eta musika: Daddy Jeff)
    add_buttton
    play_button
    facebook iconfacebook icon
  • Hip-hoparen erresumak defendatuz(Hitzak: Wanka-Musika: Daddy Jeff)
    add_buttton
    play_button
    facebook iconfacebook icon
  • Elkartasun giroa (Freestyle)(Musika: DJ Nemo)
    add_buttton
    play_button
    facebook iconfacebook icon
  • Hitzak II(Hebe de Bonafini)
    add_buttton
    play_button
    facebook iconfacebook icon

Formatua: CD


Iraupena: 67' 01"


Argi kodea: EO172CD


Azala: Aritz Usandizaga, Joseba Ponce


PARTAIDEAK

  • Molte MC, ahotsa
  • Wanka, ahotsa
  • Daddy Jeff, ahotsa
  • DZ, dj

GRABAZIOA

Laguna estudioa (Miarritze, Lapurdi)


SOINU TEKNIKARIA

Xabi Pery


LAGUNTZAILEAK

  • Ana Telletxea, ahotsak
  • Arantza Serrano, ahotsak
  • Mixel Ducau, saxofoia

GENEROA

Rapa

Hernaniko jaietan eman zuen estreinako emanaldia Selektah Kolektiboak, artean bikotea zelarik: Iñaki Arrizabalaga Daddy Jeff(ahotsa) eta Zigor Lampre DZ (disko jartzailea). Musika beltza (hip hop, funk, soul, reggae…) Euskal Herrian ezagutzera emateko eta zabaltzeko sortutako kolektiboaren lehen adierazpenetako bat zen. Aipaturiko bi kideez gain, Iñigo Goikoetxeandia Wanka eta Jon Lampre MC Molte abeslariek eta Aritz Usandizaga Aritz Sound System disko jartzaileak osatu zuten Selektah Kolektiboa. Dantza egiteko jaiak antolatzen hasi zen. Hip hop emanaldi batek hartzen zuen saio horien lehen zatia: DZetak jarritako musika oinarriaren gainean hiru abeslariak txandakatzen ziren kantuan, mikrofonoa zabalik utziz abestu nahi zuen edonorentzat. Gero, Aritz Sound Systemek dantzarako mota askotariko doinuak jartzen zituen goizaldera arte. Kontzertuak egiteko eredu berria ekarri zuen Selektah Kolektiboak.

Bi urtez hip hoparen kultura Euskal Herriko hainbat txokotara eraman ondoren, Andoaingo gaztetxean Fermin Muguruzarekinjotzeko eskaintza jaso zuen taldeak, eta aukera baliatu zuen maketa Esan Ozenkidiskoetxeko arduradunei helarazteko. Berehala iritsi zen diskoa grabatzeko proposamena. Selektah Kolektiboa 2000. urtean argitaratu zen, eta euskarazko lehen hip hop diskoa izan zen. Euskal Herriko egoera politikoa, euskararen bazterketa eta hip hop kulturaren aldarrikapena ditu hizpide taldeak disko horretako kantuetan, eta UPN alderdiari, kazetariei eta poliziari zuzentzen dizkie amorruzko hitz zorrotzak. Diskoan lagundu zutenen artean, Frantziako Force II Frappe taldea zegoen.

791

Selektah Kolektiboa.

Euskal Herrian hip hoparen aitzindariak izateak une gozoak ekarri zizkion taldeari, baina baita musika horrekiko ezjakintasun orokorrak sortutako errespetu falta pairatu behar izatea ere, Esperientzien etorbidetik (Metak, 2002) bigarren diskoari izenburua eman zion kantuan azaldu zutenez. “Hip hoparekiko errespetua eskatzen dugu, beste edozein musika estilok merezi duen garrantzi bera ematea musikarien, kontzertu antolatzaileen eta soinu teknikarien aldetik. Errespetu falta hori nabarmenagoa da hip hopak kanpoan jasotzen duen tratua ezagutu eta gero”, adierazi zuten taldekideek diskoaren aurkezpenean (1). Tony Claret ekoizlearekin grabatu zuten Bartzelonan -Espainiako zenbait hip hop talde esanguratsurekin lan egina da Claret; 7 Notas 7 Colores, La Mala Rodríguez eta Eddie La Sombra, kasu-, eta hainbat kolaboratzaile bildu zituen, El Payo Malo rap abeslaria, La 13-14 taldea eta Yacine (Cheb Balowski), besteak beste. UPN ostera ere (“UPN West 2“), George Bush (“Gora gaileta“) eta Palestinan Israelek egiten duen politika (“Conciencia de un sentir“) ziren Selektah Kolektiboaren jomuga lan horretan.

Hurrengo urteetan kontzertuak ematen, jaiak antolatzen eta kantuak sortzen jarraitu zuen taldeak. Espainiako rap talde ezagunenetako batzuekin aritu zen (Frank T, Violadores del Verso, SFDK…); Negu Gorriak taldeak agur esateko 2001ean Baionan eta Donostian eskainitako hiru kontzertuetan parte hartu zuen, eta Manu Chaok Radio Bembarekin 2002an Donostian emandakoa ireki zuen. 2005ean Selektah Kolektiboaren hirugarren diskoa iragarri zuen Metak diskoetxeak, baina grabatzen hasi aurretik taldea desegin egin zen. Bi disko argitaratzeaz gain, Bagdad Rap filmeko musikan parte hartu zuen “Vosotros en Irak” kantuarekin, eta Fermin MuguruzarenFM 99.00 Dub Manifest eta UEKren Ganbaratik diskoetan kolaboratu zuen.

792

Wanka, DZ, MC Molte eta Daddy Jeff.

Selektah Kolektibotik at, DZetak Fermin Muguruzaren In-Komunikazioa, Euskal Herria Jamaika Clash eta Asthmatic Lion Sound Systema diskoetan parte hartu du, eta haren Kontrabanda, Kontrakantxa eta Afro-Basque Brigade taldeetako kide izan da. Orain, Esne Beltza taldeko partaidea da, eta Basque Power proiektu pertsonala eratu du.

Daddy Jeff-ek Bakerik gabeko lurralde EPa grabatu zuen 2013an.

Testua: Jon Eskisabel