Jolasteko betarik izan gabe,
beste egun batez preso gaude.
Etorkizunerako baimenik ez,
orainaren errotik sustraiak moztu dizkigute.... ezer galdetu gabe.
Gure historiako bekatu larriek
eta multzotan pilatutako harriek
min bera egin dezakete, baina,
ez dira berdin sentitzen... falta den beso bate(a)n.
Gainera,
munduaren punta batean zein bestean,
ez batak ez besteak,
ez dute gauetan berorik ematen.
…eta, gaur ere, misil-hotsak izan dituzte,
Bagdadeko kaleetan, umeek hizpide.
Gaur ere, hesiak urratu dituzte
asegabeko irriken kolore ilunez.
Nik ez dut ezer egin, ume izan ez besterik.
