Oiloak lotara joan dituk
Iratzar hadi Manez B
Antzerkia has ezak fite
arbol adarrak hor daude
Oholtzak ez ditu berdintzen
lur gain eta zerupe
dirdai egiteko izarrek
zerua nahikoa dute
Xoko Ttipik Gamia antzoki,
lagun, gasna ta arno on,
pitxar, sagu, bertsu eta aulki,
gauero zen show must go on
Lur gainean horditurik zen
iduri zuenak hila
ate gibeleko akuilua
berriz, auzapez makila
Jo zak berriz Manez
Jo zak adarra gauez
pertsonaia hiretan duk
has hadi ta besterik ez
Kontalaria da mozkorra
kontularia auzapez
Urrunekoak beti onak
bainan etxeko gauzak ez !
Mahainaren gainean amatxik
hegan zerabilen gona
gau horrretan ikusi nuen
lehengo aldiz Madonna
Xoko Ttipik Gamia antzoki,
lagun, gasna ta arno on,
pitxar, sagu, bertsu eta aulki,
gauero zen show must go on
Jo zak berriz Manez…
Jon Maia
Donostia Igeldo. 2016 / 1 / 26
