Larrazken, negu, primadera, uda,
ilbeltzetik eta abendura
gidari aldagaitz den mentura,
dena da funtsaren ñabardura.
Ekintzak amentsen agindura,
burutu gabekoen mindura,
mina, arta, zauriak, arrangura…
noizbait goraturen dut aingura.
Muga bakarra duket: zerumuga.
Ene isla ez dea izar hura?
Azal-mamiak nahi ditut muda,
nihaur izaiteko orena heldu da.
Zer niz, izana ala deitura?
Orroimina edo ahanztura?
Ai, itzul nindaiteke gustura
hau guztia hasi zen lekura…
…bagarik sartuko ez den bortura,
ene baitako pentsamendura,
ororen, deus ezaren sorburura…
airea, lurra, sua eta ura.
Mundurat jinik ere har modura,
tximeleta ikusten dut ardura.
Ez niz sofritzeko sortu mundura,
bizipoza nahi dut berreskura.
Muga bakarra duket: zerumuga.
Ene isla ez dea izar hura?
Azal-mamiak nahi ditut muda,
nihaur izaiteko orena heldu da.
