Xendra

Pixkanaka osatzen joan den taldea da Xendra, gaur egun Uharteko (Nafarroa) sei lagunek osatua; Leire Diges Izco (ahotsa eta gitarra), Iratxo Gorostiza Etxeberria (gitarra eta ahotsa), Leire Gorostiza Etxeberria (biolina), Iker Andueza Gil (baxua), Laida Beltzunegi Landa (teklatua) eta Ion Galbete Labiano (bateria eta koroak). Urtebete inguru kantuak prestatzen ibili ondoren, 2024ko uztailean grabatu zuten beraien lehen diskoa, ‘Bihia’ izenpean, SIMA estudioan, Ibai Osinagaren laguntzaz.