Yakuzi

Elorrion (Bizkaia) sortutako taldea da Yakuzi. Aurretik, Sal izenekoan aritu ziren zenbait taldekide. Rockaren eta elektronikaren baliabideak erabiliz, soinu indartsua, paisaia instrumental luzeak, intentsitateen arteko kontrasteak eta soinuarekin emozioetara iristeko ahalmena azaldu du laukoteak orain arte argitaratu dituen lau diskoetan. Aitor Monje gitarristak Mudoh izeneko proiektu elektronikoa du.