KONTZERTUAK

Amaren Alabak sei zuberotar emakumek osatutako musika talde berezia da. A capella kantatuz, emanaldietan kantuak koreografiaz laguntzen dituzte, eszenografia xume batekin.

Nagusiki euskaraz kantatzen badute ere, erdaretako kantoriak ere sartzen dituzte beren errepertorioan, hala nola frantsesezkoak, okzitanierazkoak, gaztelaniazkoak eta portugesezkoak. Zuberotar tradizioko kantu moldea eta eragin modernoak nahasten dituzte.

2019an hiru abestiko EPa atera zuten Jupiter Jonekin batera.