KONTZERTUAK

Isilik daude harriak dauka izena Estitxu Pinatxo beratarraren bigarren lanak. Disko berri hau dokumentazio eta ikerketa lan handiaren emaitza da. Izan ere, arrazoi politiko, sozial, erlijioso edo moralengatik XX. mendean zentsuratuak izan diren hainbat abesti jaso eta moldatu ditu Mikel Santxezen laguntzarekin. Horrez gain, Harkaitz Cano idazleak eman die distira, kantu horien euskarazko itzulpenak eginez.