Euskadiko Orkestrak eta Kalakanek bat egin dute euskal musika tradizionala bildu eta zabaltzea helburu duen proiektu honetan. Argitaratu den diskoan eta datozen asteetan emango diren kontzertuetan oso bestelako bi soinu-mundu uztartu dira: batetik, ahozko tradiziotik etorritako abeslari-solistak eta, bestetik, orkestra.
Elkarlan honen muina euskal musika tradizionala izango da. Urte luzeetan Kalakan taldeak euskal folklorea berritzen egin duen saiakera mundu klasikoarekin uztartzea da proiektuaren helburu nagusia.
