Josu Aranbarri
2023.11.02
1.- Guk mundua aldatuko dugu - Morau
Andoni Tolosaren fan handia naiz, eta kantu hau ereserkia iruditzen zait, urteak izan arren oraindik gure gizartearen argazki bat izaten jarraitzen du, guaykeriaren kultura!
2.- Zaldi emozionalak - Petti
Hemen Pettiren edoizein kanta jar nezake baina lan hau iruditzen zait izugarria dela; pandemia garaian argitaratu, Manipulazio estrategiak, eta Gugenheimen zuzenean aurkeztu zuenean… ez dago hitzik!
3.- Ilunetan - Zea Mays
Hasiera-hasieratik asko gustatu eta jarraitu dudan taldea. Dena daukate, sekulako musikariak eta ahotsa…zer esan! Sasoi batean, musika jartzera deitzen nindutenean, kanta honekin hasten nituen nire saioak. Zoragarria da!
4.- Inor begira izanda ere - MICE
Zerbait mugitzen zait barruan abesti hau entzuten dudan bakoitzean. Oso gustokoa dut! Lagun batek Lautada biniloa oparitu zidan eta buelta eta bueltaka ibili izan da gurean diska hori.
5.- Aingura hegodunak - Anari
Aurretik ere ezagutzen nuen Anari eta zuzeneko pare batean ere ikusi nuen, baina Zebra kaleratu zuenean…itzela iruditzen zait! Eta kanta hau, musika eta hitzak…klasiko bat jada.
6.- Elurretan - Itoiz
Nire lehen rock kontzertua Itoizena izan zen Ondarroako frontoian 80. hamarkada hasieran, 12-13 bat urterekin.
Asko gustatu zait beti talde hau eta JC Perezen bakarkako ibilbidea are gehiago. Baina abesti honek Bilbora bizitzera joan nintzaneko garaiak dakarzkit burura. Iturribideko Juan Carlosen pisuan abesti hauek entzuten lehen aldiz aho bete agin geratu nintzen; Melankoliko-melodikoa, gitarren soinua, baxua. Borobila!
7.- Lilitegi antzua - Libe
Durangoko azokako zuzeneko batean ezagutu nuen Libe, hain zuzen ere bere lehen lana Ihesaldi handia aurkezten. Etan handik hona jarraitu izan dut oso gustora. Abesti honek nire unibertso ilunarekin konektatzen du.
8.- Automata - Lukiek
Elkarrekin Mungian jo genuenetik jarraitu izan ditut. Sekulako energía ona daukate! Egurre!!!
9.- Beldurrik ez - Ama Say
Dena gustatzen zait hauena! Zoratu egiten naiz berauek zuzenean entzuten!! Handiak!
10.- Eroaldia II - Beti Mugan
Melodiak, indarra eta emozioak oreka-desorekan. Gure gaztaroko soinu bandaren zati garrantzitsu bat!
11.- Ganbaran gordetakoak - Txuma Murugarren
Asko dira Txumak idatzi dituen abesti ederrak eta asko eta asko gustoko ditudanak, baina honek garai eta leku oso berezietara eramaten nau. Estimu handia diot abesti honi.
Eta bukatzeko harribitxi zoragarri bat:
12.- Lurraren zentrua - Anticontinente
“Gora bizitza arraro hau, gora bizitza zoragarri hau!”
