Txakurren begiak - Neighbor(Maite Larburu)
Apar urrunak - Gari(Hitzak: Jon Maia-Musika: Gari)
Arrosako zolan - Aire Ahizpak(Hitzak: Aitor Renteria \'Txato\'-Musika: Peio Agorrodi)
Min hau - Berri Txarrak(Musika: Berri Txarrak-Hitzak: Peru Aranburu)
Elektrizitatea - Zea Mays(Hitzak eta musika: Zea Mays)
Hasperen - Aguxtin Alkhat(Hitzak: Aguxtin Alkhat-Musika: Julien Labat)
Gu - Anari(Musika eta hitzak: Anari)
Bihar... - Zazpi Eskale(Hitzak: Unai Iturriaga, Igor Elortza-Musika: Josu Zabala / Moldaketa: Bingen Mendizabal)
Ezinen orekan - Maddi Oihenart(Hitzak: Leire Bilbao-Musika: Maddi Oihenart, Jeremie Garat)
Berandu dabiltza - Ruper Ordorika(Hitzak: Bernardo Atxaga-Musika: Ruper Ordorika)
Hamar abestiko zerrenda osatu, zure burua erretratatu (Facebook-eko argazki baten gisan) eta zein saldotakoa zaren garbi utzi (Twitter-en "hau kantu puska!" gomendatzen duenak bezala). Ez aukeratu kantu ezagunegirik (berezia zara, ez zaizu masei gustatzen zaiena gustatzen). Inork ezagutzen ez dituen abestiak saihestu (berezia zara, ez martzianoa, lehendik ere frikiz beteta dago mundua). Egin keinu lagunei (beraien elkarrizketa eta txioetan zure izena aipatu dezaten). Kontatu abesti hori zure taberna kuttuna (nork ez du taberna kuttunik?) ixteko jartzen dutela, beste hura Londonerako trenean ezagutu zenuen neskak (nork ez du Londonerako trenean neskarik ezagutu?) oparitutako diskoan entzun zenuela lehenengoz. Ez ahaztu zure bizitzako patata-tortilla onenak halako entzunez prestatu dituzula aipatzea (zure patata-tortilla kantua baino askoz hobea izan arren, patata-tortillak glamour gutxi du). Patata-tortillaren ordez barazki lasaña jarri. Urrezko hortzari diz-diz eginarazi eta galtzerdietako zuloak disimulatu (badok.eus jende serioak kontsumitzen du). Zita bakarra sartu (interesgarria zara, ez pedantea). "Pentsatu eta esaten ez diren gauzak" (bai, zuk ere irakurri zenuen Twist).
