Eymard Uberetagoena
2018.12.10
Beti erakarri izan naute soinu ezberdinek, askotan gure buruan, inguruko giroan edota betiko tabernetako paretetatik kanpo entzuten diren soinu horiek. Noski, dantzatu eta kantatu izan dut ere Su Ta Gar-en "Mari", Berri Txarrak-en "Ikusi arte" eta Negu Gorriak-en "Adiera zaitez" eztarririk gabe geratu arte. Horregatik zerrenda honetan ere sartu dut talde hauetakoren bat nire musika heziketan oso garrantzitsuak izan baitira.
Hala ere, onartu beharra dut gure musikatik kanpora asko begiratu eta entzun dudala, batez ere Erresuma Batuan egiten zen 80. eta 90. hamarkadetako musikara eta Estatu Batuetako Seattle hiriko grunge estilora. Lehenik kanpoko musika entzun eta ikasiz ohartu nintzen hemen bertan ere oso erreferenteak izan zirela askorentzat gustuko nituen talde eta musikariak, eta kanpoko begirada horrekin askoz ere gehiago baloratzen ikasi dut bertakoa ere.
Hemen uzten dizkizuet horietako kantu batzuk.
