Kantuan bizitza

Luken Arkarazo

2022.02.07

Txikitatik oroitu izan dut nire burua kantatzen, kalean, lanean, komunean edota tabernan. Abestien erritmora aritu naiz beti atzera eta aurrera, eta, beraz, hauek bihurtu dira nire bizitzaren narratzaileak. Abestiak entzuterako orduan, nagusiki bi ezaugarriri erreparatzen diet: letrak eta melodia. Ez iezadazu galdetu atzo zer bazkaldu nuen, baina 10 urte entzun gabe daramadan abesti bat abestu diezazuket, nahigabean. Jarraian zerrendatu ditudanak nire bizitzako garai, gertaera edota pertsona konkretuekin loturiko abestiak dira, bakoitzari kolorea eman edo kendu dioten abestiak. Nire istorioaren alderdi ezberdinak zeharkatzen dituen ezaugarriren bat baldin bada, hori musika delako.