Infernura

Zutik daude gudari guztiak pasabidea zaintzen
Urrunean borroka oihuak hasi dira entzuten
Hantxe datoz kanpoko etsaiak ekialdetik etorri dira
Lurraldea odolaren bidez lapurtzeko asmotan

Gaur askatasunaren izenean
Gaur joango dira infernura

Adorea daukate gaurkoan haien arma bakarra
Urte luzez zapaldua izan den herri baten indarra
Ehunka daude begien aurrean baina ez dira errendituko
Hiru egun luzetan barrena gogor dute eutsiko

Gaur askatasunaren izenean
Gaur joango dira infernura

Gaur herri libre baten gudariak
Gaur heriotzari begira
Gaur askatasunaren izenean
Gaur joango dira infernura