Tears from Hiroshima eta Kerasy desegin ostean Iruñerrian sortutako taldea da Hibokusha. Indusi Zubiat (gitarra), Ander Orduna (bateria), Iñaki Santos (gitarra), Iñaki Pulido (baxua) eta Silvia Guillen (ahotsa) dira oraingo taldekideak, eta metal musikaren barruan ahotsaren melodia landuak eta gitarra zorrotzak ezaugarri dituen joera berriari jarraitzen diote. Nafarroako Zona Arte Joven lehiaketa irabazi zuten 2013an, eta bi disko argitaratu dituzte jada.