Plazer txikiak

Goizean goiz kafea, 
Ilargi betea, 
Olatu hotsak esnatzean. 
Neguko eguzki izpiak, 
Tak, tak, leihoan euria. 
Biziko plazer txikiak! 

ZEIN EDERRAK DIREN 
ESPERO EZ DIREN 
ITZAL EPELAK. 
OHITUREN ARTEAN 
EGUNEN TARTEN BATEN 
NONBAIT, ZURE ZAIN. 

Anai-arrebak, 
Agur eta ongi etorri ordurik gabeko atarira, 
Galdera handien gonazpietara. 
Zuen goizeko maindireei, kantu hauek! 
Azukre debekatu 
edo ohartu gabeko beranduei. 
Nola jakin zer den haundi ñimiñorik gabe, 
ezta? 

Gogoan izan: 
Itsasotik irten, eguzkitan etzan 
eta gorde galtzeko tarterik, 
Maite duzun ohitura arraroen omen!