2014.05.26
Minxoriak

Minxoriak

  • 1976 - 1993
  • Plaza
Irungo AEK-ko beteranoak (Askoren artean)
play_buttonadd_button

PARTAIDEAK

  • Jama Larreburu, ahots nagusia
  • Jean Louis Corrihons, gitarrak, baxua, ahotsa
  • Iban Larreburu, bateria

 
Gozozale
play_buttonadd_button

Gozozale

1992 - IZ

PARTAIDEAK

  • Jama Larreburu, ahotsa
  • Jean-Lou Corrihons, gitarra elektrikoa, gitarra akustikoa, koruak
  • Laurent Feriol, baxua, koruak
  • Josu Salbide, flauta, dultzaina, Galiziako gaita, pitufonoa
  • Patrick Ithurralde, bateria, koruak
  • Kandi Fernandez, teklatuak, akordeoia, koruak

 
Beste urrats bat
play_buttonadd_button

PARTAIDEAK

  • Patrick Ithurralde, bateria
  • Laurent Feriol, baxua, ahotsa
  • Jama Larreburu, ahotsa, perkusioa
  • Jean-Lou Corrihons, gitarrak, ahotsa
  • Josu Salbide, flauta, gaita, saxofoi elektronikoa, ahotsa
  • Koldo Tarragona, pianoa, sintetizadorea, akordeoia, ahotsa

EROSI
Ibiliz
play_buttonadd_button

PARTAIDEAK

  • Niko Etxart, gitarra, ahotsa
  • 'Nif' Nicolao, gitarra, ahotsa
  • Jama Larreburu, atabalak, ahotsa
  • Jean-Lou Corrihons, gitarra
  • Didier Real, teklatuak
  • Dede Harisboure, baxua

 
Min Xoriak eta Niko Etxart

PARTAIDEAK

  • Alex Diharze
  • Dede Harisboure
  • Jimmy Arrabit
  • Ki Lannusse
  • Jean-Bernard Barrenki
  • Jaki Delage
  • Niko Etxart

 

Niko Etxarten eskutik, 1976. urtean sortu zen Minxoriak taldea, Ximinorak izeneko talde baten zatiketatik. Lehen etapa horretan hauexek izan ziren Etxarterekin batera aritu ziren musikariak: Alex Diharze, Didier Harisboure, Jimmy Arrabit, Ki Lannusse, Jean-Bernard Barrenqui Barrabas eta Jaki Delage. Dantza taldea zen Minxoriak, baina rock ukitu gero eta nabarmenagoa hartu zuen. Plazetan egiten zituen emanaldi luzeetan atzerriko taldeen bertsioak ziren nagusi. Hala ere, taldeak kanta propio asko egin zituen, hasiera batean Niko Etxartek berak konposatuak.

118

Minxoriak. Ezkerretik bigarrena, Niko Etxart.

Plazaz plaza ibili ostean, Minxoriakek eta Niko Etxartek disko bat atera zuten, Min Xoriak eta Niko Etxart (Ilazki, 1980). Lehen lan horretan, Etxartek idatzitako bi kanta zeuden, “Xahakua” eta “Agur agaramontesak”, eta Etxahun-Iruriren abesti ezagun bat, “Agur Xiberua”. 80ko hamarkadaren hasieran, euskal rockaren eztandarekin lehia bizia izan zuten erromerietan, eta bestetan etengabe aritzen ziren plaza taldeak, baina haientzat ere urrezko aroa hasi zen: Egan, Akelarre… Hala ere, bizimodu gogorra zen plaza taldeena, eta musikarien sartu-atera asko ezagutu zituen. Horrez gain, Minxoriak taldeko hainbat kidek, tartean Niko Etxart zela, proiektu paralelo bat sortu zuten 1981ean, Pitxu Bost taldea. Rock Maskaradak izeneko ikusgarria taularatu zuen Pitxu Bostek, fikziozko istorio antzeztu bat eta rock musika uztartuz.

80ko hamarkadaren hasierarako bakarkako ibilbidea hasia zuen Niko Etxartek; hala ere, taldearekin segitu zuen hurrengo diskoa kaleratu arte: Ibiliz (Elkar, 1985). Harekin batera, musikari hauek hartu zuten parte grabazioan: Nif Nicolao (gitarra), Jama Larreburu (atabalak), Jean-Lou Corrihons (gitarra), Didier Real (teklatuak) eta Dede Harisboure (baxua). Normalean taldeak bertsio ugari jotzen bazituen ere, disko honetan denak, bat izan ezik, kantu propioak ziren; Niko Etxart eta Therese Errandonea ziren hitzen egileak. Bertsio bakarra dago, “Godalet dantza”-ren gainean egindako moldaketa.

Bigarren disko horren ondoren, Etxartek taldea utzi eta Jama Larreburuk hartu zuen abeslari nagusiaren rola. Halaber, taldekide berriak sartu ziren: Patrick Ithurralde (bateria), Laurent Feriol (baxua), Josu Salbide (flauta) eta Koldo Tarragona (teklatuak). Emanaldiz emanaldi etengabeko martxan, beste bost urte behar izan zituen taldeak disko berria kaleratzeko, Beste urrats bat (IZ, 1990). Bi bertsio agertzen ziren, biak Status Quo taldearenak: “Zuekin gaur hemen” eta “Rosalie“. Gainerako kantuak taldekideek eginak ziren, eta Anje Duhalderen laguntza izan zuten bi abestitan. Plaza taldea izanik ere, urte horietan herri musika tresna batzuk sartzen hasia zen, bere estiloa folk-rock aldera eramanez, jendea dantzan jartze aldera. Halaber, euskal folk eta rock taldeen moldaketak eskaintzen zituzten dantzaldietan.

Taldearen azken diskoa bi urte beranduago ailegatu zen, Gozozale (IZ, 1992). Kandi Fernandez (teklatuak) Baldin Bada taldeko kide ohia batu zen taldera, eta Jama Larreburuk segitzen zuen taldearen ahotsa izaten. Ordurako, hamabost urtetik gorako ibilbidea zuen taldeak, eta nekea jabetzen hasia zen taldekideen gogoaz. Hortaz, 1993an bukatutzat eman zuten taldea. Abenduan eskaini zituzten azken bi emanaldiak: Oiartzunen (Gipuzkoa) eta Arrutan. Lagun musikari ugari gonbidatu zituzten bi kontzertuotara: Natxo de Felipe eta Anton Latxa (Oskorri), Anje Duhalde, Roberto Moso (Zarama), Gorka Sarriegi eta Urbil Artola (Sorotan Bele)…

Testua: Gontzal Agote

Gozozale
play_buttonadd_button

ABESTIAK:

Ergelkeria utzita

Norentzat

Musikari

Irish Koffee

Segi aintzina

Gozozale

Alabari

Eskerrak

Portmeirion

Azken kanta

Beste urrats bat
play_buttonadd_button

ABESTIAK:

Bakardadea

Zuekin gaur hemen

Polka

Herabea

Erran ez

Herri urrats

Basamortuaren preso

Rosalie

Folk

Ibiliz
play_buttonadd_button

ABESTIAK:

Captain Nemo

Rock Euskadin

Lorea

Konda nezazu

Espazioko izarretan hilik

Atzo, bi marziano

Skarratoin

Heiagora

Amodio-inganio

Godalet dantza

Min Xoriak eta Niko Etxart

ABESTIAK:

Kukumarua

Neskatila eijerra

Napur dantza

Gori da ardua

Messieurs les frantzimant

Xahakua

Bai Euskal Herriari

Ixiltasunean

Euskaldun fandangoa

Volgako arin-arina

Millika iappa

Min xori min xoriak

Agur agaramontesak

Agur Xiberua