Arbasoen gomutak
sustraien pisua
gizaldien izuak
fobiaz itsuak.
Biziaren alegia
begien hegian
naturaz gain agian
ikusgaitzezko argian.
So egin Euskal Herria
sorgin, aztikeriak
pentsaketa ertsiak
denak erreak, hilak...
Zergaitik beti zapuztu?
Ez zaizu behin gertatu?
Ez duzu nahi erkatu?
Espiritua makurtuz
kate herdoilak apurtu
gehiagorik ez beldurtu
ikusezina gurtu
ikusezina agurtu...
Betidanik betiko isuri
irudimenezko iturri.
Halabeharra itzuri
Indar oro bildurik
zortea itzuli
begi izuti
supituki
ikusi
utzi
busti
zin
