Benito Lertxundi ez da bakarrik euskal kantagintzaren aitzindari garrantzitsuenetako bat, ezta bakarrik gure lurreko nortasun ikur ospetsu eta maitatuenetariko bat ere; Lertxundi, gehienbat, gizatasun, sentiberatasun eta biluztasunez betetako abestien artisau zoragarria da. Orioko artistak abestiaren barruan bere burua aurkitzea bilatzen du eta modu horretan harrapatzen gaitu sakon-sakonetik, gu bere sentimenduen zuzeneko partaide bihurtzen.
