“Konbergger”, Estricallaren kantu eta bideoklip berria

Datozen asteetan disko berria argitaratuko du Estricalla taldeak, Dramatik-thlon izenburukoa. “Maitasun eta sarraski kantak” bildu ditu boskoteak Zarauzko Fidelenean estudioan Mikel Kazalisekin grabaturiko lan horretan. Bertatik ateratako “Konbergger” singlearen bideoklip ikusgarria estreinatzen dugu gaur BADOK atarian. Miren Arangurenek (Occhi di Farfalla) kolaboratu du kanta horretan, eta Angela Davisen ahotsa txertatu dute abestian.