Modus Operandi du izena Iñaki Betagarriren talde berriak

Betagarri taldeak 2017ko uztailean, Hatortxu Rock jaialdian, eman zuen azken kontzertua, eta aldi berean proiektu berria martxan jarri zuen Iñaki Ortiz de Villalba abeslariak. Andoni Garcia Matxain gitarristarekin (Lauroba, Fan&Go…) hasi zen abestiak prestatzen, eta ondoren Vendetta taldeko Enrikko Rubiños (bateria) eta Ruben Anton (tronpeta) gonbidatu zituen egitasmo berrian parte hartzera. 2017ko udazkenean taldea guztiz osatu zen Julen Barandiaran (baxua; Izaro) eta Gonzalo Fernandez de Larrinoa (tronboia; The Hot Wok) kide berriekin. Modus Operandik bere lehen diskoa grabatuko du irailean eta udazkenean argitaratuko du Baga Biga diskoetxeak.

Modus Operandi taldea.