2016.11.11
Willis Drummond: jaiotza berri baten kronika izenburuko bideo-erreportajea eskainiko du BADOK atariak datorren astelehenetik aurrera. Urtebeteko geldialdiaren ostean entsegu lokalera itzuli zen Willis Drummond taldea joan den udaberrian, eta irailean disko berria grabatu zuen, Tabula Rasa. Hainbat berritasun dakartza lanak, besteak beste Joseba B. Lenoir gitarristarekin grabatutako lehen diskoa delako. Horrez gain, ekoizle batekin, Burke Reid kanadarrarekin, egin dute lan estrainekoz. Diskoaren osatze prozesuaren eta taldearen egungo egoeraren berri ematen du BADOK atariak eta Hiru Damatxo Ideia Faktoriak elkarlanean ondutako bideo-lanak.
Willis Drummond-ek datorren asteazkenean, hilaren 16an, aurkeztuko du prentsaurrekoan disko berria, eta hiru egun geroago lehen kontzertua eskainiko du Bartzelonan, Razzmatazz 3 aretoan, EH Sona jaialdiaren barruan. Ondoren honako hauek dira oraingoz iragarri dituen emanaldiak: