Lisabö, Anari eta Madeleine, UsoPop jaialdian

Hamargarren ekitaldia egingo du aurten UsoPop jaialdiak, maiatzaren 25ean eta 26an, eta urtemuga borobila ospatzeko oso egitarau interesgarria osatu dute antolatzaileek. Gaur jakitera eman dutenez, Lisabö, Anari, Joseba Irazoki eta Lagunak eta Madeleine taldeek parte hartuko dute jaialdian. Hortaz, hainbaten iritziz iaz Euskal Herrian argitaratutako disko onenetako batzuen egileak izango dira maiatzean Sara-Lizarrietan.

Horrez gain, Asile Club, Efrim Manuel Menuck, Lysistrata, Lankum, This is the Kit edota Los Chimberos taldeen emanaldiak iragarri ditu UsoPop jaialdiak, besteak beste. Bi egunetarako sarrerak dagoeneko salgai daude.