2018.09.14
Pettik zuzeneko diskoa grabatuko du urriaren 20an, Tolosako Bonberenea gaztetxean. Kontzertu horretarako sarrerak 8 eurotan jarriko dituzte salgai. Berako (Nafarroa) musikariak Bonberenean grabatzen duen bigarren diskoa izango da, duela hamar urte Awañak grabatu baitzuen bertan. Orduan Rafa Aceves pianista izan zuen alboan Pettik disko nagusiki akustikoa egiteko; oraingoan bakarka ariko da, “kantautore moduan”, Bonbereneak azaldu duenez.
Pettirenarekin hiru izango dira udazkenean grabatuko diren zuzeneko diskoak: Willis Drummond taldeak urriaren 13an egingo du Donostiako Intxaurrondo Kultur Etxean eta Ruper Ordorikak abenduaren 15ean eta 16an Bilboko Kafe Antzokian.
Pettiren hurrengo emanaldiak hauek izango dira:
