The Friday’s Crew-ren bideoklip berria estreinatu dugu

Datozen asteetan argitaratuko du Mauka diskoetxeak  The Friday’s Crew taldearen laugarren diskoa, Harresien gainetik. Azpeitiko punk-oi! boskoteak Higain estudioan grabatu du lan berria, Haritz Harreguy soinu teknikariarekin, eta taldekideek aurreratu dutenez, “beste lanek baino rock-and-roll eta punk-rock ukitu handiagoa izango du, gogorragoa izango da, baina, era berean, melodiak zaindu ditugu”.

Lehen singlearen bideoklipa estreinatu dugu gaur BADOK atarian, “Iritsiko da” abestiari dagokiona. Bertan Bultz! taldeko Xabier Gallastegi Xagu-k kolaboratu du ahotsetan.

The Friday’s Crew-k Durangoko Azokako Ahotsenea gunean aurkeztuko du Harresien gainetik, abenduaren 8an, 17:00etan.